Azərbaycan ərazisində zəlzələ qeydə alınıb.
Yeniavaz.com xəbər verir ki, bu barədə Azərbaycan Milli Elmlər Akademiyası nəzdində Respublika Seysmoloji Xidmət Mərkəzi məlumat yayıb.
Bildirilib ki, yerli vaxtla 08:16-də baş verən 5,6 bal gücündə zəlzələ hiss olunub:
“Siyəzən stansiyasından 60 km şərqdə, Xəzər dənizində zəlzələ qeydə alınıb. Zəlzələ ocağı 68 km dərinlikdə yerləşib və 5-3 bala qədər hiss olunub”.
Qeyd edək ki, sosial şəbəkə istifadəçiləri zəlzələnin Bakı-Abşeron ərazisində nəzərə çarpacaq dərəcədə hiss olunduğunu bildirirlər.
Tətbiqimizi yükləyə bilərsiniz
