islahatlar-derinlesecek-artiq-muvafiq-gosterisler-verilib

“İslahatlar dərinləşəcək, artıq müvafiq göstərişlər verilib”

qazaxda-bir-gecede-uc-nefer-bicaqlandi

Qazaxda bir gecədə üç nəfər bıçaqlandı

azerbaycanda-is-qurmaga-gelen-ecnebi-eziyyet-cekib-bizim-dilimizi-oyrenmelidir

"Azərbaycanda iş qurmağa gələn əcnəbi əziyyət çəkib bizim dilimizi öyrənməlidir"

çərşənbə, 20 mart 2019
AZ RU EN TR

CƏMİYYƏT

30 qəpiklik suyu 5 manata satan "Şahdağ"a cinayət işi açılsın? - Millət vəkili

11.01.2019 13:32 Oxundu 693


"Bütün turizm mərkəzi sayılan şəhərlərdə qiymətlər digər bölgələrə nisbətdə daha bahadır. Bunun səbəbi həmin şəhərlərə turistlərin axın etməsidir".

Yeniavaz.com xəbər verir ki, bunu Sonxeber.az-a Milli Məclisin deputatı Rüfət Quliyev "Şahdağ" Turizm Kompleksində 30 qəpiklik "Sirab" suyunun 5 manata satılması ilə bağlı sosial şəbəkələrdə yayılan məlumata münasibət bildirərkən deyib.
Onun sözlərinə görə, qiymətin miqyası deyilən bir anlayış var: "Armudu stəkan Azərbaycanda satılır, bura gələn turist nə isə almalıdır. Yəni turistə bunu 2 manata satsan da alacaq, hərçənd armudu stəkanın qiyməti 1manatdır. İndi "Şahdağ"da 30 qəpiklik suyu 5 manata satırlar deyə, ona qarşı cinayət iş açılmalıdır? Suyu dağa daşıyaraq 5 manata satırlar. Dövlət qarışsın desin ki, sənin o suyu 5 manata satmağa ixtiyarın yoxdur? Dövlət nə qədər belə xırda işlərə qarışacaqsa, bir o qədər gərginlik yaranacaq. Əgər dövlət qarışarsa, orada su satılmayacaq".
R. Quliyev qeyd edib ki, dövlət şərait qurur və bununla da bazarda rəqabət yaranır: "O rəqabətin nəticəsində qiymət də tənzimlənməyə başlayır. Mərkəzdə qiymətlərin digər ərazilərə nisbətdə baha olması təbiidir. Hər yerdə belədir. Məsələn, Tokionun Ginza küçəsində sahəsi 1 kvadratmetr olan obyektin, restoranın qiyməti təqribən 300 min dollardır. Təbii ki, orada satılan suyun qiyməti bir qədər aralı yerləşən ucuz obyektlə müqayisədə daha baha olacaq. Çünki ora bütün varlı insanlar gəlirlər. Londonun "Harrods" univermağında köynəyin qiyməti aşağısı 100 funt-sterlinqdir, bunu manata çevirəndə təqribən 200 manatdan çox pul edir. Orada olmuşam. Üzbəüz mağazada həmin köynək 50 funt-sterlinqdir. Çünki "Harrods" varlılar üçün univermaqdır. Qapısı qızıldandır, ayaqyolu italyan mərmərdəndir, orada gələn suyu içmək olar, çünki filtrlə buraxırlar".