Bakının mərkəzində, Nərimanov rayonu ərazisində yerləşən gecə klubu “Infiniti”nin bağlanması ilə bağlı məlumatlar yayılıb.
Gecə klubu artıq 2 gündür ki fəaliyyət göstərmir. Xüsusilə, ərəblərin sevimli məkanına çevrilmiş gecə klubunun bağlanması maraq doğurub. Çünki bir müddət öncə sözügedən gecə klubundan reportaj mətbuatda yayımlanmışdı. Ərəblərin gecə həyatından bəhs edən reportajda “Infiniti” klubun qarşısında qadın alveri ilə bağlı görüntülər əks olunmuşdu.Ərəb bloger Ali Əthab Azərbaycana gələn turistlərin həyat tərzi haqqında reportaj hazırlayan zaman bu klubu özəlliklə vurğulayıb. “Infiniti” klubun adı oxşar hadisələrdə tez-tez hallanır. Klubda striptiz rəqslər, kişi ovçusu qadınlar, intim münasibət axtaran turistlər buranın daimi sakinləridir.
Klubun bu səbəbdən bağlanması məsələsini araşdırdıq. minval.info-nun əldə etdiyi məlumata görə, klub Aşura günü ilə əlaqədar bağlıdır. Adıçəkilən klub yas günlərində işləmədiyi üçün belə addım atılıb.
Tətbiqimizi yükləyə bilərsiniz
