bulvarda-suya-zeher-atib-baliqlari-oldurduler-video

Bulvarda suya zəhər atıb balıqları öldürdülər? - VİDEO

nazir-sabiq-millet-vekilinin-ogluna-yuksek-vezife-verdi-foto

Nazir sabiq millət vəkilinin oğluna yüksək vəzifə verdi - FOTO

putin-bakili-mugenniye-orden-verdi-foto

Putin bakılı müğənniyə orden verdi - FOTO

cümə, 24 may 2019
AZ RU EN TR

CƏMİYYƏT

“Orfoqrafiya Normaları Artur Rasi-Zadənin soyadına şamil olunmur”

20.04.2019 16:48 Oxundu 714


“Baş Nazir Novruz Məmmədovun təsdiqlədiyi Azərbaycan dilinin Orfoqrafiya Normaları köhnə qaydalara uyğun şəkildə yazılan soyadlara şamil olunmur. Azərbaycanın sabiq Baş Naziri Artur Rasi-Zadənin soyadı sənəddə necədirsə, elə də qalacaq. Amma Azərbaycan dilinin Orfoqrafiya Normalarına əsasən, -zadə şəkilçisi bitişik yazılmalıdır”.

Yeniavaz.com xəbər verir ki, bunu “Report”a açıqlamasında AMEA-nın Dilçilik İnstitutunun direktoru, akademik Möhsün Nağısoylu deyib.

O bildirib ki, əvvəllər -zadə şəkilçisi ilə bağlı bəzi mübahisələr olub: “Amma biz onun aid olduğu sözə bitişik yazılmasını təklif etdik. Çünki bəziləri bu soyad sonluğunu bitişik, bəziləri də defislə yazırdı. Artıq bundan sonra bir qayda olaraq bitişik yazılacaq. İstər Şahzadə, istər Həsənzadə, istərsə də Hüseynzadə olsun, şəkilçi olaraq sözə bitişik yazılmalıdır. Hazırda -zadə şəkilçisi ilə bitən bəzi soyadlar var ki, rəsmi sənədlərdə olduğu kimi, yəni hazırki Orfoqrafiya Normalarının qaydalarına riayət olunmayan şəkildə yazılır. Bununla bağlı gələcəkdə tənzimləmələr həyata keçirilməlidir. Biz sadəcə olaraq, xüsusi isimləri deyil, ümumi isimləri təklif etmişik. Təbii ki, -zadə şəkilçisi təkcə xüsusi isimlərə deyil, ümumi isimlərə də bitişik yazılmalıdır. Dilimizdə -zadə şəkilçisi kimi -pərvər, -xana şəkilçiləri də var. Onlar da aid olduqları sözə bitişik yazılır”.