Ötən il ərzində Azərbaycanda 14-17 yaşlı uşaqlar tərəfindən ümumilikdə 808 cinayət hadisəsi törədilib.
Yeniavaz.com açıqlanan sonuncu rəsmi statistikaya istinadən bildirir ki, yeniyetmələr tərəfindən törədilən cinayətlərin sayı əvvəlki illə müqayisədə 33% artıb. Belə ki, 2017-ci ildə 14-17 yaşlı uşaqlar tərəfindən ümumilikdə 608 cinayət hadisəsi törədilib.
Qeydə alınan cinayətlərin yarıdan çoxu - 561 cinayət hadisəsi Bakı şəhərində baş verib. Bakı şəhərində uşaqlar tərəfindən törədilən cinayətlərin sayı təxminən 2 dəfə artıb. Bakı şəhərinin tabeliyindı olan bəzi rayonlarda uşaqlar tərəfindən törədilən cinayətlərin sayı daha çox artıb. Məsələn, Xətai rayonunda təxminən 6 dəfə, Nizami və Binəqədi rayonlarında isə 4 dəfə artıb.
Bakı şəhərindən sonra uşaqlar tərəfindən törədilən cinayət hadisəsi ən çox Sumqayıt şəhərində qeydə alınıb. Ötən il Sumqayıtda uşaqlar tərəfindən 10 cinayət törədilib. Növbəti yerdə 47 cinayət hadisəsi ilə Abşeron rayonu, 18 cinayət hadisəsi ilə Quba rayonu, 14 cinayət hadisəsi ilə Gəncə şəhəri gəlir.
Bəzi rayonlara isə son 2 ildə 14-17 yaşlı uşaqlar tərəfindən heç bir cinayət hadisəsi törədilməyib. Bu rayonların arasında Pirallahı, Xızı, Qazax, Naftalan,Oğuz, Hacıqabul, Şuşa, Qubadlı, Zəngilan və Naxçıvan Muxtar Respublikası yer alıblar.
14-17 yaşlı yeniyetmələr tərəfindən törədilən cinayət hadisələrinin sayı rayonlar üzrə belə olub:
Şəhər və rayonlar |
14-17 yaşlı uşaqlar tərəfindən törədilən cinayətlərin sayı | |
2017-ci il | 2018-ci il | |
Binəqədi | 74 | 295 |
Qaradağ | 6 | 12 |
Xəzər | 23 | 5 |
Səbail | 18 | 8 |
Sabunçu | 23 | 22 |
Suraxanı | 8 | 23 |
Nərimanov | 23 | 40 |
Nəsimi | 48 | 39 |
Nizami | 9 | 36 |
Xətai | 10 | 61 |
Abşeron | 22 | 47 |
Sumqayıt | 97 | 29 |
Gəncə | 4 | 14 |
Quba | 11 | 18 |
Xaçmaz | 12 | 5 |
Qusar | 12 | 3 |
Şabran | 6 | 5 |
Qax | - | 1 |
Şəki | 1 | 2 |
Goranboy | 1 | 6 |
Tovaz | 2 | 6 |
Ağstafa | 3 | 1 |
Astara | 1 | 8 |
Lənkəran | 5 | 4 |
Lerik | 1 | - |
Yardımlı | 1 | - |
Masallı | 5 | - |
Cəlilabad | 4 | 1 |
Zaqatala | 2 | 1 |
Siyəzən | - | 1 |
Göyçay | 1 | - |
Beyləqan | 2 | 2 |
Ağcabədi | 2 | 10 |
Bərdə | 4 | 3 |
Neftçala | 3 | 5 |
Biləsuvar | 15 | 12 |
Salyan | 6 | - |
Gədəbəy | - | 1 |
Daşkəsən | 1 | - |
Samux | 1 | - |
Göygöl | 14 | 1 |
Balakən | - | 3 |
Yevlax | 8 | 4 |
Ağdaş | 8 | 8 |
Ucar | 3 | 2 |
Mingəçevir | - | 1 |
Kürdəmir | 4 | 4 |
İmişli | 10 | 5 |
Saatlı | - | 1 |
Sabirabad | 5 | 5 |
Şirvan | 12 | 5 |
Cəbrayıl | - | 1 |
Füzuli | 1 | 3 |
Ağdam | 2 | - |
Tərtər | 2 | 3 |
Xocavənd | 1 | - |
Kəlbəcər | 10 | - |
Laçın | 1 | - |
Qobustan | - | 1 |
İsmayıllı | - | 1 |
Ağsu | 2 | - |
Şamaxı | 3 | 1 |
CƏMİ | 608 | 808 |