Ötən il ərzində "Azəri-Çıraq-Günəşli" (AÇG) layihəsinə 531 milyon dollar əməliyyat məsrəfləri və 1 milyard 817 milyon dollar əsaslı məsrəflər xərclənib.
Yeniavaz.com xəbər verir ki, bu barədə “BP-Azərbaycan” şirkətindən məlumat verilib. Ötən ilin məlumatlarına istinadən apardığımız hesablamalar göstərir ki, 2019-ci illə müqayisədə ötən il AÇG layihəsində əməliyyat məsrəfləri 6,3% və ya 36 milyon dollar azalıb, əsaslı məsrəflər isə 23,1% və ya 341 milyon dollar artıb.
Son 5 ildə AÇG layihəsində əməliyyat və əsaslı məsrəflər belə olub:
Əməliyyat məsrəfləri |
Əsaslı məsrəfləri |
|
2013 | 1 052 | 2 068 |
2014 | 1 000 | 2 300 |
2015 | 760 | 1 900 |
2016 | 503 | 1 450 |
2017 | 456 | 1 180 |
2018 | 505 | 1 150 |
2019 | 567 | 1 476 |
2020 | 531 | 1 817 |
Xatıraldaq ki, AÇG layihəsinin əsas iştirakçıları BP (operator - 30,37%), SOCAR (25%), MOL (16 aprel 2020-ci il tarixindən “Şevron” şirkətini əvəz edib) (9,57%), İNPEKS (9,31%), "Equinor" (keçmiş "Statoil") (7,27%), EksonMobil (6,79%), TPAO (5,73%), İTOÇU (3,65%) və ONGC Videş Limited (OVL) (2,31%) şirkətləridir.