Sosial şəbəkələrdə koronavirus testi pozitiv çıxan şəxslərin pulsuz almalı olduqları dərmanları apteklərdə pulla satılması ilə bağlı fotolar yayılıb. Yayılan fotolarda sözügedən dərman paketinin içərisində Tibbi Ərazi Bölmələrinin İdarəetmə Birliyinin (TƏBİB-in) adından reseptlər də qoyulub.
Məsələ ilə bağlı Yeniavaz.com-a açıqlama verən TƏBİB-in mətbuat katibi Elnarə Baxış sözgüdən paketlərin kimlərinsə şəxsi təşəbbüsü ilə satışa buraxıldığını bildirdi: “Üzərində 53 manat qiymət olan paketlər TƏBİB-ə məxsus deyil. Sosial şəbəkələrdə paylaşılan paketlərin üzəri hansısa aptek tərəfindən dizayn olunub. TƏBİB-ə məxsus paketlərin hər iki tərəfində quruma məxsus loqo olur”.
Qurumun sözçüsü Elnarə Baxış onu da qeyd etdiki, TƏBİB yanlız bölgələrdə olan koronavirus xəstələrini dərmanla təchiz edir: “Bakı şəhər üzrə bu, Səhiyyə Nazirliyinin tabeçiliyindədir. Dərman bazarına, apteklərə, testlərin gətirilməsinə ümumiyyətlə TƏBİB nəzarət etmir”.