Milli Məclisin deputatlarının və əməkdaşlarının Koronavirusla Mübarizəyə Dəstək Fonduna etdiyi ianənin məbləği açıqlanıb. 

Oxu.Az-ın xəbərinə görə, bu barədə Milli Məclisin sədri Sahibə Qafarova parlamentin iclasında məlumat verib. 

O bildirib ki, deputatlar və Milli Məclisin işçiləri Fonda 250 min manatdan çox vəsait ödəyiblər. 

Spiker əlavə edib ki, deputatların bəziləri aylıq maaşlarının hamısını, bəziləri isə bir qismini Fonda ianə ediblər.