“Təkcə Tolikin deyil, o tip verilişlərin hamısı bağlanmalıdır” - Deputat


“Təkcə Tolikin deyil, o tip verilişlərin hamısı bağlanmalıdır”.
Yeniavaz.com xəbər verir ki, bunu pravda.az-a açıqlamasında VI Milli Məclisin deputatı Tahir Kərimli deyib.
Deputat qeyd edib ki, küçə mədəniyyətini televiziyaya gətirmək düzgün deyil: “Həmin verilişlərdə ağızlarına gələni danışırlar. Nə ədəbi dil normaları, nə əxlaq, nə də tərbiyə gözlənilir. Verilişə çıxanlar da bir-birilərinə  hörmət etmirlər. Elə bilirlər, dövlət siyasəti bundan ibarətdir. Televiziyaların daxilində bədii şuralar fəaliyyət göstərir, amma bu məsələlərə nəzarət zəifdir. Pul qazanmaq istəyi o qədər güclüdür ki... Etiraf edək ki, insanlarda da maraq var, elə həvəslə baxırlar ki. İşsiz-gücsüz, qeybəti sevən adamlar həmin verilişlərə baxırlar. Bəzən görürsən, səviyyəsi, tərbiyəsi olmayan bir insan millətə öyüd-nəsihət verir. Hesab edirəm ki, belə verilişlər bağlanmalıdır. Mən o verilişlərə baxmıram, iyrənirəm. Bu cür proqramlarla bağlı dəfələrlə Milli Məclisdə və mətbuatda çıxış etmişəm. Biz bu yolla milləti hara aparırıq? Sovet dövründə televiziyada xanım müğənni oxuyarkən yüngül rəqs etsəydi, boynu-boğazı görünsəydi, aləmi qatardılar bir-birinə... Teleməkan ictimai yerdir, nəzarət olunmalıdır”.

DİGƏR XƏBƏRLƏR

Top