Radikallığı təbliğ edən 216 adda kitabın ölkəyə idxalı rədd edilib.

Yeniavaz.com xəbər verir ki,bu barədə Dini Qurumlarla İş üzrə Dövlət Komitəsinin mətbuat xidmətindən məlumat verilib. 

Məlumatda qeyd olunub ki, 2019-cu ildə Komitəyə daxil olmuş müraciətlər əsasında 3888 adda dini məzmunlu ədəbiyyata baxılıb. 

Baxış zamanı kitablar arasında dini dözümsüzlüyü, ayrı-seçkiliyi və radikallığı təbliğ edən 216 adda kitabın ölkəyə idxalının və yayılmasının qarşısı alınıb. 

Ölkədə nəşr olunmaq məqsədilə təqdim edilən 239 adda dini ədəbiyyata baxılaraq, onlardan 14-nün çapı məqsədəuyğun sayılmayıb, 799 adda (648247 ədəd) dini təyinatlı ədəbiyyata yapışdırılması üçün nəzarət markaları verilib.