İmişlidə qətlə yetirilən şəxs tanınmış güləşçinin qardaşıdır - YENİLƏNİB


İmişlidə törədilən qətllə bağlı yeni təfərrüat məlum olub.
Öldürülən şəxs Zaur Əzizovun sərbəst güləşçi Emin Əzizovun qardaşı olduğu müəyyənləşib.

E.Əzizov 66 kq çəkidə ikiqat Azərbaycan çempionu (2011, 2012), Qran-prinin 3 qat qalibi (2008, 2010, 2012), Avropa Çempionatının bürünc medalçısı (2008) olub, eləcə də Azərbaycanı 2008 Yay Olimpiya Oyunlarında təmsil edib.(report)

11:41***
İmişlidə törədilən qətlin təfərrüatları məlum olub.
Yeniavaz.com APA-ya istinadən xəbər verir ki, hadisə İmişli rayonunun Ağamalılar kəndində qeydə alınıb. Kənd sakini, 1994-cü il təvəllüdlü Quliyev Emin Elsevən oğlu mübahisə zəminində İmişli rayon sakini Əzizov Zaur Mikayıl oğlunu qətlə yetirib. 
Belə ki, bu il yanvarın 7-də rayonun Ağamalılar kəndi ərazisində Kür çayına avtomobil düşməsi barədə hüquq-mühafizə orqanlarına məlumat daxil olub. Çaya düşən “QAZ-3110” markalı, 90 DX 310 dövlət nömrə nişanlı avtomobilin İmişli sakini, 1981-ci il təvəllüdlü Əzizov Zaur Mikayıl oğluna məxsus olduğu məlum olub. 
İstintaq zamanı müəyyən edilib ki, yanvarın 7-də Əzizov Zaur Mikayıl oğlu tanışı İmişli sakini, 1994-cü il təvəllüdlü Quliyev Emin Elsevən oğlunu pul üstündə bıçaqlayıb. Bundan sonra E.Quliyev Z.Əzizovun əlindən bıçağı alaraq onun qarın və baş nahiyəsinə zərbələr endirib. Daha sonra E.Quliyev maşınla Z.Əzizovun üstündən keçərək onu öldürüb və meyitini atla sürüyərək İmişlinin Ağamalılar kəndi ərazisində kolluq əraziyə atıb. Avtomobilini isə Kür çayına yuvarlayıb.
Z. Əliyevin meyiti tapılaraq ərazidən götürülüb.
Hadisəni törətməkdə şübhəli bilinən Emin Quliyev saxlanılıb.  
Faktla bağlı İmişli rayon Prokuroluğunda cinayət işi başlanıb, araşdırma aparılır. 
Bildirişlərdən çıxın

Bildirişlərdən çıxın

DİGƏR XƏBƏRLƏR

Top