ABŞ-ın vitse-prezidenti Maykl Pens və dövlət katibi Maykl Pompeo sabah Türkiyəyə səfər edəcəklər.
Yeniavaz.com xəbər verir ki, bunu Amerika prezidenti Donald Tramp deyib.
Səfərin məqsədi Türkiyənin Suriyanın şimal-şərqindəki hərbi əməliyyatları durdurmasına nail olmaqdır. Razılıq əldə olunarsa, Türkiyəyə qarşı sanksiyaların qaldırılacağı açıqlanacaq.
Vitse-prezident Maykl Pens və dövlət katibi Maykl Pompeonu ABŞ prezidentinin milli təhlükəsizlik üzrə köməkçisi Robert Obrayen və ABŞ-ın Suriya üzrə xüsusi nümayəndəsi Ceyms Ceffri müşayiət edəcək.