Quba rayonunun Çiçi kəndi yaxınlığında dağlıq ərazidə yanğın baş verib.

Fövqəladə Hallar Nazirliyindən Yeniavaz.com-a verilən xəbərə görə, meşə zolağında baş vermiş yanğın nəticəsində 16 ha sahədə əsasən, quru ot, kol-kos və qismən ağaclar yanıb.  

Yanğının söndürülməsi işlərinə Fövqəladə Hallar Nazirliyinin Dövlət Yanğından Mühafizə Xidmətinin canlı qüvvə və texnikası, Mülki müdafiə qoşunlarının və Şimal Regional Mərkəzinin şəxsi heyəti cəlb olunub. 

Yanğın saat 18.20-də söndürülüb.