Ermənistan Silahlı Qüvvələrinin yoxa çıxan “Su-25” hücum təyyarəsi ölkənin Maralik rayonu ərazisində tapılıb.
Yeniavaz.com TASS agentliyinə istinadla xəbər verir ki, bunu Ermənistan müdafiə nazirinin mətbuat katibi Artsrun Hovannisyan deyib.
Onun sözlərinə görə, təyyarə Maralik rayonunda, dağlarda tapılıb: “Hər iki pilot ölüb. Ölən pilotlar podpolkovnik Babayan və mayor Manukyandır”.
***14:02
Ermənistanda “Su-25” hücum təyyarəsi yoxa çıxıb.
Yeniavaz.com “Sputnik Ermənistan” saytına istinadla xəbər verir ki, bu barədə Ermənistan Müdafiə Nazirliyinin mətbuat xidməti məlumat yayıb.
Məlumata əsasən, təyyarə hərbi təlim uçuşu həyata keçirirmiş. Yerli vaxtla saat 10:20-da təyyarə ilə rabitə əlaqəsi kəsilib. Təyyarə saat 10:06-da Gümrüdəki aeropotdan havaya qalxıb. Hazırda axtarış-xilasetmə işləri aparılır. Müdafiə Nazirliyinin mətbuat katibi Artsrun Hovannisyan deyib ki, təyyarənin iki nəfərdən ibarət heyət üzvü olub.
Tətbiqimizi yükləyə bilərsiniz
