Müharibəyə görə ayrı düşən ailələr 65 il sonra görüşəcək

Koreya müharibəsi səbəbilə ayrı düşən ailələr 65 ildən sonra görüşüblər.

Xarici KİV xəbər verir ki, Şimali Koreyanın Kumqanq dağında baş tutan və 3 gün davam edəcək görüş üçün yaşı 70-dən çox olan 89 Cənubi koreyalı Şimala gedib. Ən qoca şəxsin yaşı 101-dir. Qohumlar 6 dəfə və ümumilikdə 11 saat görüşəcək. Növbəti dəfə isə Şimali Koreyadan olan 83 nəfər Cənuba səfər edəcək.

Qeyd edək ki, müharibə səbəbilə ayrı düşən ailə üzvlərinin görüşü ilk dəfə 2000-ci ildə baş tutmuşdu.(Qaynarinfo)