Hindistanın “Air India” aviaşirkətinə məxsus “Boeing-787” sərnişin təyyarəsi son 70 ildə ilk dəfə olaraq Səudiyyə Ərəbistanının hava məkanı üzərindən İsrailə kommersiya reysi həyata keçirib. Yeniavaz.com-un TASS agentliyinə istinadən verdiyi məlumata görə, Yeni Dehlidən Təl-Əvivə istiqamət alan təyyarə Ben Qurion aeroportuna eniş edib. Bildirilir ki, Səudiyyə Krallığı üzərindən hava dəhlizi Hindistandan İsrailə uçuş vaxtını 2-3 saat azaldacaq. 1948-ci ildə İsrail dövlətinin yaradılmasından bəri cəmi iki birbaşa reys Səudiyyə Ərəbistanından yəhudi dövlətinə həyata keçirilib. Hər iki dəfə təyyarələr amerikalı prezidentləri kiçik Corc Buş və Donald Trampı daşıyıblar.
Tətbiqimizi yükləyə bilərsiniz
