İsrailli nazir: Livanı daş dövrünə döndərə bilərik

İsrail Livandakı İranın raket müəssisələrini məhv edə bilər. "Yeniavaz.com"un "Hürriyet" qəzetinə istinadən verdiyi məlumata görə, bunu İsrailin kəşfiyyat naziri İsrael Kats Səudiyyə Ərəbistanı mətbuatına müsahibəsində deyib. O, həmçinin Livanı təhdid edərək bu ölkəni daş dövrünə döndərə biləcəklərinə işarə edib: "Suriyada olduğu kimi hərbi əməliyyat keçirib onlara əngəl olacağıq. Daha geniş və güclü hücum olacaq, bu dəfə bütün Livan hədəf alınacaq". İ.Kats 2006-cı ildə İsrailin Livanda "Hizbullah"a məğlub olmasına münasibət bildirərkən deyib ki, həmin hərbi əməliyyat əyləncə olub və bu dəfə Livanı daş dövrünə çevirəcəklərini qeyd edib.