Birləşmiş Ərəb Əmirliklərində (BƏƏ) havanın temperaturu müsbət 50 dərəcəni ötüb. “Yeniavaz.com”un “Life.ru” saytına istinadən verdiyi xəbərə görə, bu barədə ölkənin Hidrometeorologiya Departamenti məlumat verib. Ən qızmar hava Əbu-Dabu əmirliyindəki Liva vahəsində, Mezayraa şəhərində müşahidə edilir. Burada havanın temperaturu müsbət 50,5 dərəcəyə çatıb. Qeyd edək ki, Yerdə aparılan meteoroloji müşahidələrin tarixində ən yüksək temperatur 2016-cı ilin iyul ayında Küveytdə qeydə alınıb. Bu ölkədə havanın temperaturu müsbət 54 dərəcəyə çatmışdı.