“Boko Haram” radikal qruplaşmanın başçısı Əbubakar Şekua Nigeriya Hərbi Hava Qüvvələrinin ölkənin şimal-şərqində endirdiyi hava zərbələri nəticəsində yaralanıb. “Yeniavaz.com”un TASS-a istinadən verdiyi məlumata görə, bunu Nigeriyanın təhlükəsizlik xidmətindəki mənbə deyib. Hava zərbələri Borno ştatının Damboa rayonuna endirilib. Ə. Şekuanın müavini və bir neçə silahlı da zərbələrin qurbanına çevrilib.