Ağ Ev bal zalı tikir

Ağ Evin ərazisində bal zalının tikintisinə başlanıb.
Yeniavaz.com “NBC News” telekanalına istinadla xəbər verir ki, bu barədə ABŞ Prezidenti Donald Tramp məlumat verib.
Onun sözlərinə görə, binanın bir hissəsi bal zalına yer açmaq üçün sökülür.
Ağ Evin Şərq Qanadının bir hissəsində söküntü işləri oktyabrın 20-də başlayıb.
Bu barədə ilkin olaraq administrasiyanın mətbuat katibi məlumat verib. Daha sonra bu xəbər ABŞ liderinin özü tərəfindən təsdiqlənib.
“Mən Ağ Evin ərazisində yeni, möhtəşəm və gözəl bal zalının tikintisinə başlandığını elan etməkdən qürur duyuram”, - Tramp bildirib.
O, əlavə edib ki, 150 ildən artıqdır ki, hər bir prezident Ağ Evdə bal zalının olmasını arzulayıb.
Tramp Ağ Evin bal zalının “bir çox səxavətli vətənpərvərlər, böyük Amerika şirkətləri" tərəfindən maliyyələşdirildiyini bildirib.
Qeyd edək ki, Tramp Ağ Evi təmir etmək və bal zalı əlavə etmək qərarına gəlib. Bu layihə 250 milyon dollara başa gələcək və 20-ci əsrin ortalarından bəri ən böyük təmir layihəsi olacaq. Həmçinin, bal zalı 650 nəfər üçün nəzərdə tutulacaq.