İspaniyanın təmsilçisi “Real Madrid” ABŞ-də keçirilən klublararası dünya çempionatında 1/4 finala yüksəlib.
Yenivaz.com xəbər verir ki, Xabi Alonsonun komandası “Yuventus”u 1:0 hesabı ilə məğlub edib.
54-cü dəqiqədə “Kral klubu”nun 21 yaşlı ispaniyalı hücumçusu Qonsalo Qarsiya ingilis müdafiəçi Trent Aleksander-Arnoldun ötürməsini qola çevirə bilib.
“Real Madrid”in 1/4 finaldakı rəqibi Meksika təmsilçisi “Monterrey”i 2:1 hesabı ilə məğlub edən Dortmund “Borussiya”sı olub.
Qeyd edək ki, FIFA Klublararası Dünya Çempionatının bütün 1/4 final cütlükləri məlum olub:
“Palmeiras” (Braziliya) – “Çelsi” (İngiltərə);
PSJ (Fransa) – “Bayern” (Almaniya);
“Fluminense” (Braziliya) – “Əl Hilal” (Səudiyyə Ərəbistanı);
“Real Madrid” (İspaniya) – “Borussia Dortmund” (Almaniya).
Tətbiqimizi yükləyə bilərsiniz
