“Ermənistan hakimiyyəti hələlik BRİKS sıralarına daxil olmaq imkanlarını nəzərdən keçirmir”.
Yeniavaz.com xəbər verir ki, bu barədə Ermənistanın Baş naziri Nikol Paşinyan 2-ci Ümumdünya Erməni Sammitində bildirib.
Buna baxmayaraq o, Rusiya Prezidenti Vladimir Putinin Kazan sammitində iştirak etmək dəvətini qəbul etdiyini açıqlayıb.
“Hazırda bizim BRİKS-ə inteqrasiya ilə bağlı gündəmimiz yoxdur. Mən Rusiya Prezidentindən (Vladimir Putindən) oktyabrda Kazanda keçiriləcək BRİKS sammitində iştirak etmək üçün dəvət aldım və o dəvəti qəbul etdim. Bununla da Ermənistan rəhbəri ilk dəfə BRİKS sammitində iştirak edəcək”, - deyə Paşinyan bildirib.
Tətbiqimizi yükləyə bilərsiniz
