Rusiyada radardan itən Mi-8 tapıldı


Rusiyanın İrkutsk vilayətində Buryatiya Respublikası ilə sərhəddə radardan itən Mi-8 helikopteri tapılıb.
Yeniavaz.com
TASS-a istinadla xəbər verir ki, bu barədə İrkutsk vilayətinin qubernatoru İqor Kobzev məlumat verib.
O, bütün ekipaj üzvlərinin sağ olduğunu bildirib.
“Helikopter tapılıb. Məndə olan məlumata görə, hamı sağdır”, - deyə qubernator qeyd edib.
Qeyd edək ki, bu gün İrkutsk vilayətində Buryatiya Respublikası ilə sərhəddə Mi-8 helikopteri ilə əlaqə kəsilmiş, axtarış-xilasetmə mərkəzi helikopterin qəzaya uğradığını ehtimal etdiyini bildirmişdi.
Xatırladaq ki, helikopter İrkutsk-Orlik marşrutu üzrə uçub və helikopterin bortunda 6 nəfər olub.

DİGƏR XƏBƏRLƏR

Top