Azərbaycan Respublikası Dövlət Neft Şirkətinin (SOCAR) “Azneft” İstehsalat Birliyinin (İB) “28 May” Neft Qaz Çıxarma İdarəsinin (NQÇİ) 4 saylı Dərin Dəniz Özülündə yanğın qeydə alınıb.
Yeniavaz.com xəbər verir ki, bu barədə “Azneft” məlumat yayıb.
Bildirilir ki, dərhal hadisə yerinə yanğınsöndürən gəmilər cəlb edilib, qısa müddətdə alovun genişlənməsinin qarşısı alınıb və yanğın tam söndürülüb.
Hadisə nəticəsində 1960-cı il təvəllüdlü, “Azneft” İB-nin 1 saylı İxtisaslaşdırılmış Neft-Mədən xüsusi texnika İdarəsinin əməkdaşı İslamov Rafiq İsa oğlu həyatını itirib.
Hadisənin şəraiti qiymətləndirilərək aidiyyəti üzrə müvafiq tədbirlər görülür.
Tətbiqimizi yükləyə bilərsiniz
