Almaniyanın avtomobil nəhəngi BMW ilk dəfə Avropanın elektrikli avtomobil bazarında Amerika avtomobil istehsalçısı “Tesla”nı qabaqlayıb.
Yeniavaz.com “JATO Dynamics” araşdırma şirkətinə istnadla xəbər verir ki, bu barədə “Reuters” agentliyi məlumat yayıb.
Məlumata görə, alman avtomobil nəhəngi iyul ayında 14 869 elektrikli avtomobili satıb ki, bu da keçən ay üçün “Tesla”dan təxminən 300 ədəd çoxdur.
Bəzi məlumatlara görə, Amerika elektromobil istehsalçısının baş direktoru İlon Maskın mübahisəli şəxsiyyəti də “Tesla”ya münasibətə təsir edir.
Araşdırma şirkətinin məlumatında deyilir ki, BMW keçən ay satışlarının bir il əvvələ nisbətən 35 faiz artdığını, “Tesla” isə 16 faiz azaldığını bildirib.
Məlumata görə, elektrikli avtomobillərin ümumi bazar payı isə bir il əvvəlki vəziyyətlə müqayisədə 14,6%-dən 13,5%-ə düşüb.
“Elektrikli nəqliyyat vasitələrinin gələcəyi ilə bağlı aydınlığın olmaması istehlakçılar üçün elektrikli avtomobil almaq üçün maneə olmaqda davam edir”, - deyə “JATO Dynamics”in qlobal analitiki Felipe Munyu ümumi elektrikli avtomobil satışlarının azalmasına istinad edərək bildirib.
Tətbiqimizi yükləyə bilərsiniz
