ABŞ Rusiyanı müşahidə etmək üçün Avropaya kəşfiyyat təyyarəsi göndərdi – KİV

ABŞ Rusiyanın fəaliyyətini müşahidə etmək üçün Avropaya RC-135U kəşfiyyat təyyarəsi göndərib.
Yeniavaz.com xəbər verir ki, bu barədə “Newsweek” jurnalı məlumat yayıb .
Məlumata görə, təyyarə Offatt Hərbi Hava Qüvvələri bazasından havaya qalxıb və avqustun 18-də Böyük Britaniyanın Mildenholl Hərbi Hava Qüvvələri bazasına çatıb. Avqustun 20-də isə təyyarə Rusiya ilə sərhədə yaxın Baltikyanı ölkələr üzərində 6 saat uçuş edib.
Qeyd edək ki, RC-135U kəşfiyyat təyyarəsi strateji elektron kəşfiyyat fəaliyyəti ilə yanaşı, düşmənin quru, dəniz və hava qüvvələrinin monitorinqi üçün nəzərdə tutulub.
Kəşfiyyat təyyarəsinin Avropada nə qədər qalacağı məlum deyil.