Xəbər verdiyimiz kimi, ötən gün – noyabrın 16-da Xaçmaz rayonunun Yalama qəsəbəsində yerləşən “Yalama Aqropark”da yanğın olub.
Yeniavaz.com Ekonominfo.az-a istinadla xəbər verir ki, yanğın hadisəsinin baş verdiyi “Yalama Aqropark” ölkənin aparıcı şirkətlərindən biri olan “Agro Food İnvestments” MMC-nin (VÖEN - 1404315581) tərkibində fəaliyyət göstərir.
Nizamnamə kapitalı 193 milyon 25 min 487 manat 10 qəpik olan “Agro Food İnvestments” MMC 2018-ci ildə dövlət qeydiyyatına alınıb.
Hüquqi ünvanı ölkənin ən böyük şirkti olan “Paşa Holdinq” ilə eyni ünvanda - Bakı şəhəri, Nəsimi rayonu, Neftçilər pr., ev 153-də yerləşən “Agro Food İnvestments” MMC-yə daha əvvəl kənd təsərrüfatı naziri Məcnun Məmmədov rəhbərlik edib. Məcnun Məmmədov bu ilin aprel ayının 14-də nazir təyin olunub. Nazir təyin olunduqdan 12 gün sonra – 26 aprel tarixində isə “Agro Food İnvestments” MMC-nin direktoru vəzifəsindən ayrılıb.
“Agro Food İnvestments” MMC-nin yeni direktoru Novruzov Vahid Vaqif oğludur.
Qeyd edək ki, “Agro Food İnvestments” MMC kənd təsərrüfatının strateji sahələri sayılan südçülük fermaları, zeytun, badam bağları, tingçilik, qarğıdalı emalı, açıq tarla əkini (şəkər çuğunduru, arpa, qarğıdalı, soya və s), soyuq hava deposu və meyvə çeşidləmə, logistika və digər kənd təsərrüfatı və qida istehsalı sahələri üzrə işlər görür.
Aşağdakı şirkətlər “Agro Food İnvestments” MMC-nin tərkibində fəaliyyət göstərirlər:
Tətbiqimizi yükləyə bilərsiniz
