Rusiyada məhkəmə Rövşən Əsgərovu cərimələdi

Moskvanın Savelovski Məhkəməsi azərbaycanlı jurnalist, “Nə? Harada? Nə vaxt?” teleşousunun keçmiş oyunçusu Rövşən Əsgərovu cərimələyib.
Yeniavaz.com xəbər verir ki, bu barədə TASS-a məhkəmənin mətbuat xidmətindən məlumat verilib.
Məhkəmə R.Əsgərovu xarici agent qaydalarını pozmaqda təqsirli bilib.
 “Moskvanın Savelovski Rayon Məhkəməsinin 30 avqust 2023-cü il tarixli qərarı ilə Əsgərov Rövşən Rusiya Federasiyasının İnzibati Xətalar Məcəlləsinin 19.34-cü maddəsinin 2-ci hissəsində nəzərdə tutulmuş inzibati xəta törətməkdə təqsirli bilinib və 40 min rubl məbləğində inzibati cərimə şəklində cəzalandırılıb”, - mətbuat xidməti bildirib.
Qeyd edək ki, R. Əsgərov 2022-ci ilin dekabrında Rusiyada xarici agent siyahısına daxil edilib. İstintaq müəyyən edib ki, o, özünün Feysbuk səhifəsində marşal Georgi Jukovun xatirəsini təhqir edən və gözdən salan qəsdən yalan məlumatlar dərc edib.