"Ermənistandan İrana dəmir yolunu bərpa etmək üçün çox az pul lazımdır".
Yeniavaz.com xəbər verir ki, bunu Ermənistanın iqtisadiyyat naziri Vaan Kerobyan bu gün hökumətin iclasından sonra jurnalistlərə açıqlamasında deyib:
“Yerasx ərazisində bir neçə yüz metrin bərpasına ehtiyac olduğu görünür. Meğri hissəsində dəmir yolunun bərpası daha böyük investisiya tələb edir və kifayət qədər baha başa gələcək”.
O qeyd edib ki, bu hissədə köhnə dəmir yolu tamamilə sökülüb:
“Bu sahədə hələ konkret bir layihəmiz yoxdur, həmçinin təxmini hesablama da yoxdur. Amma düşünürəm ki, 200 milyon dollara qədər investisiya tələb olunacaq. Sərhəddən Horadizə olan dəmir yolunun (Arazdəyən-Culfa-Mehri-Horadiz) tikintisi üçün daha böyük investisiyalara ehtiyac var. Bu hissənin tikintisi üçün 1 milyard dollardan çox vəsait tələb olunacaq”.