Ukraynada son sutka ərzində 19 min 893 nəfərdə koronavirus infeksiyası aşkarlanaraq rekord göstərici qeydə alınıb.
Yeniavaz.com xəbər verir ki, bu barədə Ukraynanın səhiyyə naziri Maksim Stepanov məlumat verib.
Məlumata görə, rekord artımdan sonra 433 nəfər dünyasını dəyişib. Ukraynada pandemiya başlayan gündən 1 milyon 711 min 630 nəfər koronavirus infeksiyasına yoluxub, 33 min 679 nəfər dünyasını dəyişib, 1 milyon 333 min 370 nəfər isə müalicə olunaraq sağalıb.
Qeyd edək ki, bundan öncəki rekord göstərici 26 Mart tarixində (18 min 132 nəfər) qeydə alınmışdı.
Tətbiqimizi yükləyə bilərsiniz
