Türkiyə Səhiyyə Nazirliyinin Elmi Komitəsinin Üzvü Dr. Afşin Emre Kayıpmaz, COVID-19-a yoluxan insanların 2-ci və 3-cü dəfə yoluxa bilmə ehtimalını qiymətləndirib.
Yeniavaz.com xəbər verir ki, həkim koronavirusdan sağaldıqdan müəyyən bir müddət sonra şəxsin 2-ci dəfə bu virusla qarşılaşa biləcəyini qeyd edib:
“COVID-19-dan sağalan insan nəzəri cəhətdən 3 aya qədər bu xəstəlikdən qorunur. Lakin bu rahat səyahət edə biləcəyiniz anlamına gəlmir. Hər zaman söylədiyimiz bu qaydalara əməl etsəniz, yenidən bu virusla qarşılaşma ehtimalını minimuma endirəcəksiniz. 3 aydan sonra bədəninizdə kifayət qədər antikor yoxdursa, yenidən xəstələnə bilərsiniz. Əslində bəzi tədqiqatlarda bu müddətin 45 günə enəcəyi düşünülür. Ancaq indi beynəlxalq təşkilatlar və biz 3 aylıq bir müddətə əsaslanırıq.
Hər bir insanın virusla qarşılaşdığı zaman verdiyi antikor dərəcəsi bir-birindən fərqlidir, lakin bu nöqtədə virus yükü də vacibdir. Vətəndaş olaraq, bədənimizdəki antikor səviyyəsinin müəyyən bir səviyyəyə yüksəlməsinə baxmayaraq, xəstəliyə düçar olsaq da, tədbirlərə riayət etməliyik. Çünki fiziki məsafə adlandırdığınız tədbirlər əslində qarşılaşdığınız virus yükünü minimuma endirir.
Xəstəliyə tutulan şəxs, “Mən bu xəstəliyə tutuldum və bədənimdə antikorlar əmələ gəldi, indi heç bir tədbir görmədən gəzə bilərəm”, deyə düşünməməlidir. Maska, məsafə, təmizlik qaydalarına və sıxlıqdan qaçınmağa mütləq diqqət yetirməlisiniz".
Tətbiqimizi yükləyə bilərsiniz
