Dövlət qeydiyyatından keçən 55 siyası partiyadan yalnız 35-i ötən il üçün nəzərdə tutulan sonuncu maliyyə hesabatını təqdim edib.
Yeniavaz.com-un açıqlanan rəsmi məlumatlara istinadən apardığı hesablama göstərir ki, maliyyə hesabatı təqdim edən 35 siyasi partiyadan 21-nin heç bir maliyyə göstəricisi olmayıb. Bu partiyalar MSK-ya boş hesabat təqdim ediblər.
Maliyyə hesabatında gəlir və xərclərini göstərən 14 siyasi partiyadan 10-u Milli Məclisdə təmsil olunduqları üçün onlara dövlət büdcəsindən maliyyə ayrılıb. Milli Məclisdə təmsil olunan Vəhdət Partiyası isə sonuncu maliyyə hesabatını təqdim etməyib.
Maliyyə hesabatında gəlir və xərclərini göstərən 14 siyasi partiyadan yalnız 4-ü - Azərbaycan Milli İstiqlal Partiyası, Müsavat Partiyası, Vətəndaş və İnkişaf Partiyası və Aydınlar Partiyası Milli Məclisdə təmsil olunmurlar.
Bundan başqa gəlir və xərclərini göstərən 14 siyasi partiya arasında yalnız 5-nin - Azərbaycan Milli İstiqlal Partiyası, Müsavat Partiyası, Yeni Azərbaycan Partiyası, Azərbaycan Demokratik Maarifçilik Partiyası və Böyük Qurtuluş Partiyası üzvlük haqqı topladığı bildirilir.
Ən çox üzvlük haqqını Yeni Azərbaycan Partiyası toplayıb - 9 milyon 309 min 25 manat.
Məlumat üçün bildirək ki, Azərbaycanda dövlət qeydiyyatından keçən ilk siyasi partiya Azərbaycan Milli İstiqlal Partiyası (AMİP) hesab olunur. Bu partiya 17 iyul 1992-ci ildə dövlət qeydiyyatına alınıb. Bir həftə sonra - 24 iyul 1992-ci ildə Azərbaycan Dirçəliş və Tərəqqi Partiyası qeydiyyatdan keçib.
Azərbaycanda qeydiyyatdan keçən və maliyyə hesabatı təqdim etməyə məcbur olan sonuncu siyasi partiya Milli Dirçəliş Hərəkatı Partiyası olub. Bu partiya 31 may 2011-ci ildə dövlət qeydiyyatına alınıb.
Onu da bildirək ki, 9 illik fasilədən sonra ötən həftə Azərbaycanda daha iki siyasi partiya – Yeni Zaman Partiyası və Azad Demokrtlar Partiyası dövlət qeydiyyatına alınıb. Beləliklə, hazırda Azərbaycanda dövlət qeydiyyatına alınan siyasi partiyaların sayı 57-yə yüksəlib. Bugünə kimi 2 siyasi partiyanın - Azərbaycan İslam Partiyası və Azərbaycan Xalqlarının Bərabərlik Partiyasının dövlət qeydiyyatı isə ləğv olunub.
| s/s | Siyasi Partiyalar |
Qeydiyyat tarixi | Gəlir (manat) |
Xərc (manat) |
Yığılan üzvlük haqqı (manat) |
| 1. | Azərbaycan Milli İstiqlal Partiyası | 17.07.1992 | 1 650 | 1 861,48 | 1 650 |
| 2. | Azərbaycan Dirçəliş və Təqrəqqi Partiyası | 24.07.1992 | |||
| 3. | Azərbaycan Xalq Demokratik Partiyası | 11.08.1992 | - | - | - |
| 4. | "Ana Vətən" Partiyası | 11.08.1992 | 137 037,02 | 138 676,41 | - |
| 5. | Milli Demokrat İdrak Partiyası | 11.08.1992 | |||
| 6. | Azərbaycan Kəndli Partiyası | 23.09.1992 | |||
| 7. | Vətəndaş Həmrəyliyi Partiyası | 03.11.1992 | 137 038,02 | 137 015,98 | - |
| 8. | Müsavat Partiyası | 08.12.1992 | 7 514 | 7 162 | 5 600 |
| 9. | "Birlik" Partiyası | 18.12.1992 | - | - | - |
| 10. | Yeni Azərbaycan Partiyası | 18.12.1992 | 10 668 285 | 8 363 323 | 9 309 025 |
| 11. | Vahid Azərbaycan Milli Birlik Partiyası | 13.01.1993 | |||
| 12. | Vahid Azərbaycan Partiyası | 13.01.1993 | - | - | - |
| 13. | Demokratik Azərbaycan Dünyası Partiyası | 10.02.1993 | - | - | - |
| 14. | Müstəqil Azərbaycan Partiyası | 10.02.1993 | |||
| 15. | Milli Qurtuluş Partiyası | 03.03.1993 | |||
| 16. | Azərbaycan Yurddaş Partiyası | 12.03.1993 | - | - | - |
| 17. | Azərbaycan Ümid Partiyası | 05.05.1993 | |||
| 18. | "Qorqud" Partiyası | 10.11.1993 | - | - | - |
| 19. | Azərbaycan Milli Hərəkat Partiyası | 02.03.1994 | |||
| 20. | Azərbaycan Kommunist Partiyası | 02.03.1994 | - | - | - |
| 21. | Azərbaycan Milli Dövlətçilik Partiyası | 12.10.1994 | |||
| 22. | Azərbaycan Vətənpərvərlər Partiyası | 12.10.1994 | |||
| 23. | Azərbaycan Demokratik Sahibkarlar Partiyası | 17.05.1994 | |||
| 24. | Azərbaycan Naminə Alyans Partiyası | 22.06.1995 | - | - | - |
| 25. | Azərbaycan Demokratik Maarifçilik Partiyası | 04.08.1995 | 118 640,52 | 118 113,34 | 122 |
| 26. | Azərbaycan Sosial Rifah Partiyası | 04.08.1995 | 118 518,52 | 118 586,17 | - |
| 27. | Azərbaycan Liberal Partiyası | 14.08.1995 | - | - | - |
| 28. | Azərbaycan Sosial Demokrat Partiyası | 01.09.1995 | 118 603,7 | 118 603,37 | - |
| 29. | Azərbaycan Xalq Cəbhəsi Partiyası | 01.09.1995 | |||
| 30. | Azərbaycan Vahid Kommunist Partiyası | 19.09.1995 | |||
| 31. | Sosial Ədalət Partiyası | 11.12.1998 | |||
| 32. | Milli Konqres Partiyası | 11.12.1998 | |||
| 33. | Vəhdət Partiyası | 11.12.1998 | |||
| 34. | Azərbaycan Respublikaçılar Partiyası | 09.07.1999 | - | - | - |
| 35. | Azərbaycan Xalq Partiyası | 09.07.1999 | - | - | - |
| 36. | Azərbaycan Liberal Demokrat Partiyası | 09.07.1999 | - | - | - |
| 37. | Azərbaycan Demokrat Partiyası | 03.02.2000 | |||
| 38. | "Azərbaycan Mübarizləri" Partiyası | 27.05.2000 | - | - | - |
| 39. | "Ədalət" Partiyası | 08.05.2002 | |||
| 40. | "Milli Vəhdət" Partiyası | 08.05.2002 | - | - | - |
| 41. | Müasir Müsavat Partiyası | 08.05.2002 | - | - | - |
| 42. | Azərbaycan Azad Respublikaçılar Partiyası | 08.05.2002 | |||
| 43. | Böyük Qurtuluş Partiyası | 12.08.2005 | 119 021,14 | 118 946,92 | 503 |
| 44. | Azadlıq Partiyası | 12.08.2005 | |||
| 45. | Azərbaycan Demokratik İslahatlar Partiyası | 12.08.2005 | 118 518,52 | 117 877,03 | - |
| 46. | Bütöv Azərbaycan Xalq Cəbhəsi Partiyası | 12.08.2005 | 118 518,52 | 118 519,02 | - |
| 47. | Azərbaycan Tərəqqi Partiyası | 12.08.2005 | - | - | - |
| 48. | Böyük Azərbaycan Partiyası | 12.08.2005 | - | - | - |
| 49. | Azərbaycan Təkamül Partiyası | 12.08.2005 | - | - | - |
| 50. | Vətəndaş Birliyi Partiyası | 12.08.2005 | - | - | - |
| 51. | Klassik Xalq Cəbhəsi Partiyası | 31.01.2007 | - | - | - |
| 52. | Vətəndaş və İnkişaf Partiyası | 10.08.2007 | 200 | 200 | - |
| 53. | Azərbaycan Milli Demokrat Partiyası | 24.12.2008 | - | - | - |
| 54. | Aydınlar Partiyası | 19.11.2009 | - | 488,64 | - |
| 55. | Milli Dirçəliş Hərəkatı Partiyası | 31.05.2011 | 118 518,52 | 114 091,71 | - |
A. Cəfərov
Tətbiqimizi yükləyə bilərsiniz
