“İndi asan dövr deyil, müharibə şəraiti necədir? Biz hal-hazırda insanlarla yox, virusla müharibə aparırıq”
Yeniavaz.com xəbər verir ki, bu sözləri Gənc Azərbaycanlılar Dərnəyinin İdarə heyyətinin rəhbəri Kənan Quliyev Türkiyədə təhsil alan tələbələrlə görüşü zamanı deyib. K. Quliyev bütün dünyanın, eyni zamanda Azərbaycanın da bu virusla mübarizə apardığını bildirib: “Təkcə Azərbaycan öz vətəndaşlarını ölkəyə qaytarmağa çalışmır, digər ölkələr də xaricdə yaşayan vətəndaşlarını ölkələrinə aparmaq üçün səy göstərir. Türkiyədə qalan azərbaycanlı tələbələr eləcə də işləyən həmvətənlərimiz yavaş-yavaş təxliyyə olunacaqlar. İndiyə kimi 10 minə yaxın vətəndaşımız Azərbaycana qayıdıb. Hər kəs vətənə qayıdacaq heç kəs burada qalmayacaq. Kimin evi var, yataqxanada qalır otursunlar gözləsinlər hər şeyin vaxtı var, narahat olmayın vaxtı gələndə qayıdacaqsız”.
Tətbiqimizi yükləyə bilərsiniz
