"Martın 3-dən 9-dək təhsil müəssisələrinin bağlanması qabaqlayıcı tədbirdir. Valideynlərdən xahiş edirik ki, uşaqlarını bu müddətdə qapalı yerlərə aparmasınlar".
Yeniavaz.com APA-ya istinadən xəbər verir ki, Nazirlər Kabineti yanında Operativ Qərargahın üzvü, “Tibbi Ərazi Bölmələrini İdarəetmə Birliyi"nin (TƏBİB) şöbə müdiri Yaqut Qarayeva deyib.
Onun sözlərinə görə, bu cür yerlərdə nəinki koronavirus, bütün virusların yayılma riski çox olur: "Ümumilikdə bütün əhalidən xahiş edirik ki, hamı verdiyimiz tövsiyələrə əməl etsin. Karantinə alınan şəxslər iki qrupa bölünür. Bir qrupu xəstəlik əlamətləri olanlardır, onlar ayrı yoxlanılır. Bir də var xəstəlik əlamətləri olmayanlar, onlar da ayrı yoxlanılır. Analiz cavabı bilinənlər karantində qalmaq şərti ilə evə buraxılır".
Tətbiqimizi yükləyə bilərsiniz
