Azərbaycanda doğulan hər bir üşaq üçün 187, ölən hər bir şəxs üçün 224 manat verilib

Bu ilin 3 ayı ərzində  əhaliyə  19,1 milyon manat məbləğində  müavinət ödənilib. Yeniavaz.com-un açıqlanan rəsmi statistikaya istinadən apardığı hesablama göstərir ki, bunun  da  31,7%-i və ya 6 milyon 54 min 700 manatı hamiləliyə  və  doğuma  görə, 17,4%-i və ya 3 milyon 323 min 400 manatı isə dəfn üçün ödənilən müavinətlərə yönəldilib.
Bu ilin ilk 3 ayında Azərbaycanda 32 min 402 nəfər doğulan, 14 min 811 nəfər isə ölən şəxs qeydə alındığına görə, bir nəfər yeni doğulana orta hesabla 186,8 manat, ölən hər bir şəxsin dəfn xərcləri üçün isə orta hesabla 224,4 manat müavinət ödənilib.