İsrail tankı Suriya qoşunlarına atəş açdı

İsrail qoşunları Suriya hökumət qüvvələri istiqamətinə xəbərdarlıq atəşi açıb.

“Yeniavaz.com”un RİA Novosti-yə istinadən verdiyi məlumata görə, bununla da İsrail tərəfi sərhəddə istehkam işlərinin əldə olunmuş razılaşmaları pozduğunu hesab etdiyini göstərib. İsraillilər görüblər ki, suriyalılar hərbsizləşdirilmiş zonada hərbi post qururlar və narazılıqlarını tankdan atəş açmaqla və BMT-nin sülhməramlılar kontingentinə şikayət göndərməklə bildiriblər. İsrail tərəfi iddia edir ki, Suriya Silahlı Qüvvələri İsrail və Suriya arasında hərbsizləşdirilmiş zonanın şimal hissəsində tikinti işləri aparmaqla 1974-cü il tarixli atəşkəs haqqında sazişi pozub. Saziş orya ağır tikinti texnikası və ya hərbi maşının daxil edilməsini qadağan edir. Suriya tərəfindən itkilərin olması barədə məlumat hələ daxil olmayıb.