Yarım milyon qızılgüldən piramida düzəltdilər VİDEO

Ekvadorun Pedro-Monkayo şəhərində yarım milyon qızılgüldən piramida düzəldiblər. Yeniavaz.com-un “RİA Novosti” agentliyinə istinadən verdiyi məlumata görə, yerli sakinlər bununla ən iri gül tərtibatı üzrə dünya rekordunu qırmağı ümid edirlər. Piramida heykəli metal sxemdən ibarət karkasda hazırlanıb. Onun özəyində isə güllər qoyulub. Piramidanın sahəsi min kvadratmetrdən çox təşkil edib. Şəhər meri deyib ki, yerli sakinlər 30 ildən artıqdır qızılgül yetişdirirlər və sübut etmək istəyirlər ki, onların qızılgülü dünyada ən yaxşıdır.