Yoxa çıxan sualtı qayıq 103 il sonra tapıldı VİDEO

Birinci Dünya Müharibəsi zamanı 35 nəfərlik heyətlə yoxa çıxan Avstraliyanın ilk sualtı qayığı "HMAS AE-1″in qalıqları 103 ildən sonra tapılıb.

Avstraliyanın müdafiə naziri Marise Payne 14 sentyabr 1914-cü ildə yox olan "HMAS AE-1″in qalıqlarının Papua Yeni Qvineyanın York Dükü Adaları yaxınlığında, 300 metr dərinlikdə tapıldığını açıqlayıb.

O, qalıqların tapılmasını "Avstraliyanın ən qədim dəniz sirri açıldı" – deyə, qiymətləndirib.

Payne bildirib: "1914-cü ildən bu günə kimi sualtı qayıq və heyəti əbədi yox olmuşdu. İndi tapılıb. Qalıqların tapılmasının sualtı gəmidə həyatını itirənlərin yaxınlarına hüzur gətirəcəyinə inanıram. Bəlkə, zamanla yox olma səbəbini də ortaya çıxara biləcəyik". (Sputnik)