hekimler-korpenin-gozunden-11-parazit-cixardilar-foto

Həkimlər körpənin gözündən 11 parazit çıxardılar - FOTO

turkiyedeki-ermeni-kilselerinin-sayi-ermenistandaki-kilselerinin-sayindan-coxdur-siyahi

Türkiyədəki erməni kilsələrinin sayı Ermənistanda kilsələrinin sayından çoxdur - SİYAHI

azerbaycanda-memurlar-sahibkarlardan-daha-cox-qazanirlar-resmi

Azərbaycanda məmurlar sahibkarlardan daha çox qazanırlar - RƏSMİ

bazar, 21 oktyabr 2018
RU EN TR
EN TR RU

CƏMİYYƏT

Aynur Camalqızının əri Kəraməti döyüb?

13.06.2018 18:03

Gənc yazar Kəramət Böyükçöl "Teleqraf Holdinq”in rəhbəri Aynur Camalqızının həyat yoldaşı tərəfindən döyüldüyünü iddia edib. Bu barədə K.Böyükçöl ''facebook'' profilində yazıb.

Yazar bildirib ki, Aynur Camalqızının həyat yoldaşı İlqar Əliyev bir neçə şəxslə birgə onu döyüb:

"Aynur Camalqızının əri İlqar mənə təhqir mesajları, söyüşlər yazdı, sonra isə Hüseyn Cavid parkına “razborka”ya çağırdı. Gəldi, məni söhbət eləyə-eləyə kamera olmayan bir yerə apardı, orda məni təhqir etdi. Ona cavab verərkən bir də gördüm ki, üstümə İlqar və dostları cumdu. Məcbur olub yüyürüb Bakı Dövlət Universitetinin darvazasından özümü içəri atdım ".

Hadisə zamanı Kəramətin yanında olan Dəyanət Babayev də döyüldüyünü qeyd edib:

"Dünən axşam təxminən saat 7-8 radələrində Kəramət Böyükçöl mənə zəng etdi və bildirdi ki, onu Aynur Camal qızının həyat yoldaşı İlqar hədələyərək təhdid edir. Dedi ki, İlqar “razborka”ya çağırır döyə bilər və sən bunu çəkib ictimailəşdirməyə kömək et. Mən etiraz etmədim. Dərhal həmin ünvana getdim.

İlqar Hüseyn Cavid parkına idmançı bir dostu ilə gəldi. Onlar Kəramətlə söhbət edə-edə onu təxminən 500-600 metr kənara apardılar. Bizi onun digər idmançı dostları da qara maşınlarla müşahidə edirdilər. Aralarında mübahisə düşdü. İlqar və dostu Kəraməti döyməyə başladılar. Sonra həmin maşınlardan İlqarın digər dostları düşüb gəldi. Məsələnin artıq ciddi olduğunu anlayıb telefonumla hadisəni çəkməyə başladım. Bu zaman İlqarın idmançı dəstələri üstümə hücum çəkdi, məni Kəramətdən də betər vicdansizcasına döyməyə başladılar, telefonumu ayaqlarıyla əzib sındırdılar, özümü yerə yıxıb sağ və sol tərəfdən başıma təpiklə zərbələr vurdular.

Baş verən hadisə ilə bağlı Daxili İşlər Nazirliyinin 102 xidmətinə məlumat vermişəm. Dünən hadisəni araşdırmaq üçün məni Yasamal rayonu 28-cı polis bölməsinə dəvət etdilər, amma daxili ağrılarım çox olduğu üçün gedə bilmədim. Ağrılardan gecə, demək olar ki, yata bilməmişdim. Bu gün isə polis bölməsinə gedib hadisə ilə bağlı ifadə verəcəyəm".

"Qafqazinfo" məsələylə bağlı Aynur Camalqızı ilə əlaqə saxlayıb. O isə hazırda danışa bilmədiyini diqqətimizə çatdırıb.

Qeyd edək ki, Kəramət daha sonra bütün statuslarını silib.

Xatırladaq ki, Kəramət Böyükçöl müəyyən fasilələrlə "Teleqraf Holdinq”in əməkdaşı olub.(Criminal.az)



Oxundu 1095