Xaricdən gətirilən avtomobillərin sayı dəfələrlə artıb

Türkiyədən ev alan azərbaycanlıların sayı açıqlandı - CƏDVƏL

Rozanın geri qaytardığı maşına nə oldu?

çərşənbə, 20 iyun 2018
RU EN TR
EN TR RU

İQTİSADİYYAT

“Azəriqaz” abonentlərin sayı 2,1 milyonu ötüb

11.06.2018 16:02

Bu ilin yanvar-may ayları ərzində SOCAR-ın “Azəriqaz” İstehsalat Birliyində əhali sektoru üzrə 37 min 513 yeni abonent qeydiyyata alınıb. Yeniavaz.com “Azəriqaz”dan verilən məlumata istinadən bildirir ki, bunun da 22 min 838-i Bakı, Abşeron və Sumqayıt, 14 min 675-i isə regionlar üzrədir.

Yeni abonentlərin sayının artmasında abonent bazasının daha da genişləndirilməsi istiqamətində işlərin aparılması, yaşayış məntəqələrinin qazlaşdırılması və qaz təminatının bərpa edilməsi, həmçinin təbii qazla təmin olunmuş ərazilərin genişlənən hissələrindəki fərdi yaşayış evlərinin qazlaşdırılması olub.

Bundan başqa Bakı şəhəri, ətraf qəsəbə və kəndlərdə abonentlərin qaz təchizatının yaxşılaşdırılması məqsədilə qaz kəmərlərinin yenidən qurularaq şəbəkənin genişləndirilməsi istiqamətində aparılan məqsədyönlü işlər öz müsbət nəticəsini göstərib. Aparılan işlər nəticəsində ölkə üzrə təbii qazla təmin olunan abonentlərin sayı 2 milyon 132 min 821-ə çatıb.

Oxundu 131