Yaxın aylarda 1 barel neftin qiyməti 100 dollara çata bilər.
Yeniavaz.com-un TASS agentliyinə istinadən verdiyi məlumata görə, bunu Fransanın "Total" korporasiyasının baş direktoru Patrik Puyanne deyib.
Onun sözlərinə görə, bazarda ciddi tələbat var: "OPEK və Rusiya öz siyasətlərini operativ aparırlar. Üstəlik İranla bağlı məlumatlar çıxır ki, bu da neftin qiymətini güclü artırır.
Yaxın aylarda 1 barel neftin qiyməti 100 dollar olsa, buna təəccüblənmərəm. Dünyada geosiyasi ziddiyyət bazarda vəziyyətə diktə edir".