Bu ilin aprel ayının əvvəlinə olan məlumata görə, ölkədə 218 nəfər "Xalq" Fəxri adına, 2 min 692 nəfər isə "Əməkdar" Fəxri adına görə Azərbaycan prezidentin təqaüdünü alır. Yeniavaz.com Dövlət Statistika Komitəsindən açıqlanan məlumatlara istinadən bildirir ki, "Xalq" Fəxri adına görə verilən təqaüdün orta məbləği son bir ildə 50 manat artaraq 150 manat, "Əməkdar" Fəxri adına görə verilən təqaüdün orta məbləği isə 40 manat artaraq 100 manat olub.
Son bir ildə "Xalq" Fəxri adına görə təqaüd alanların sayı 4 nəfər azalıb "Əməkdar" Fəxri adına görə təqaüd alanların sayı isə 348 nəfər artıb.
Qeyd edək ki, hər ay dövlətdən 100 və 150 manat təqaüd alan "Xalq" və "Əməkdar" Fəxri adı daşıyan insanlar arasında Aygün Kazımova ("Xalq"), Faiq Ağayeva ("Xalq"), Röya Ayxan ("Əməkdar") kimi populiyar şəxslər də yer alır.
Tətbiqimizi yükləyə bilərsiniz
