Mingəçevir şəhər polis şöbəsinin keçirdiyi əməliyyat axtarış tədbirləri zamanı 70000 manatı oğurlayan Vəliyev Kənan Yusif oğlu tutularaq istintaqa təhvil verilib. Mingəçevir şəhər polis şöbəsinin istintaq bölməsinin müstəntiqi Tahir Şirinov Yeniavaz.com-a bildirib ki, şirkətlərin birində hasilatçı işləyən Mingəçevir şəhər sakini Elçin Abdullayev bu il aprelin 30-da Mingəçevir polis şöbəsinə ərizə ilə müraciət edərək saat 7 radələrində 2 nəfərin evinin girişində fənərə oxşar alətlə onu vuraraq şirkətə məxsus içərisində 70000 manat olan çantanı əlindən alaraq aradan çıxdıqlarını bildirib. Hal-hazırda cinayət işi açılıb istintaq davam etdirilir.
Cinayətkar Kənan Vəliyev törətdiyi əməldən peşiman olduğunu vurğulayaraq deyib ki, pulu oğurlayandan sonra çox peşman olub: “Çox peşman olmuşam , mənim üçün bu barədə danışmaq çox çətindir.Mən bir fürsət axtarırdım ki,pulu qaytarım.Elçini tanımırdım.Amma bilirdim ki,o hər gün əlində pul çantası ilə evlərinə gəlir”. Esmira Hidayətova,Mingəçevir