ABŞ-ın İndiana ştatında “Brinks” şirkətinə məxsus zirehli avtomobil hərəkətdə olan zaman qəfildən arxa qapısı açılıb və dollarla dolu olan torbalar şosseyə dağılıb.
Bu barədə TASS məlumat yayıb.
“Əskinazlarla dolu torba yola dağıldı. Baş verənlər hər hansı filmdən səhnəni xatırladırdı. Pullar hər tərəfə səpələndi. İnsanlar maşınlardan düşüb, onları toplamağa başladı. Hər gün şosselərdə dolların necə dağıldığını görə bilməzsiniz. Xaos yaşanırdı”, - deyə yol polisi Brok Makkoy bildirib.
Məlumata görə, pul daşıyan avtomobilin sürücüsü yalnız digər sürücülərin xəbərdarlıq siqnalından sonra dayanıb. Ehtimal edilir ki, 600 mindən çox dollar yola səpələnib.
Polis pulları toplayanlara çağırış edərək, əskinazları könüllü şəkildə təhvil verməyi məsləhət görüb.
Hüquq-mühafizə orqanları pulları könüllü qaytaranları heç bir cəzanın gözləmədiyini bildirir.(axar.az)
dollar
Tətbiqimizi yükləyə bilərsiniz
