Xəbər verildiyi kimi, Şimali Koreya Xalq Demokratik Respublikası və Cənubi Koreya arasında aprelin 27-də birgə sammit keçirilib. Yeniavaz.com-un məlumatına görə, bu görüş iki ölkə rəhbərləri arasında 10 ildən sonra baş tutan ilk görüş olub. Qeyd edək ki, iki ölkə rəhbərlərinin arasında görüş 10 il əvvəl baş tutsa da, digər rəsmi şəxslər arasında qarşılıqlı müzakirələr aparılıb. Cənubi Koreyanın Birləşmə üzrə nazirliyi bəyan edib ki, 2002-2018-ci illər ərzində iki ölkənin rəsmiləri arasında 267 dəfə görüş keçirilib. Bu görüşlərin 121-i iqtisadi. 47-si siyasi. 43-ü hərbi, 32-si humanitar, 24-ü isə sosial və mədəni sahələri əhatə edib. İki ölkə nümayəndələri arasında ən intensiv görüşlər 2007-ci ildə olub - 55 dəfə bir araya gəliblər. 2012, 2016 və 2017-ci illərdə isə iki dövlət arasında heç bir təmas olmayıb.
Tətbiqimizi yükləyə bilərsiniz
