azerbaycanli-eks-musavirin-kurekeni-bele-gullelendi-video

Azərbaycanlı eks-müşavirin kürəkəni belə güllələndi - VİDEO

pasinyan-ilham-eliyevle-etibarli-operativ-rabite-qurmusam

Paşinyan: “İlham Əliyevlə etibarlı operativ rabitə qurmuşam”

ilin-sonunadek-sehid-ailelerinin-50-faizine-yaxinina-birdefelik-odeme-verilecek-nazir

"İlin sonunadək şəhid ailələrinin 50 faizinə yaxınına​ birdəfəlik ödəmə veriləcək" - Nazir

Cümə, 19 oktyabr 2018
RU EN TR
EN TR RU

İNCƏ SƏNƏT

Gəncədə Xalq Artisti Arif Babayevin yubileyi qeyd edilib

28.03.2018 18:58

Gəncədə Xalq Artisti Arif Babayevin 80 illik yubileyi qeyd edilib. Gəncə şəhər İcra Hakimiyyətinin təşkilatçılığı ilə keçirilən gecədə muğam sənətinin inkişafında, milli musiqimizin təbliğində böyük rolu olan sənətkarların, tanınmış xanəndələrin ifasında xalq mahnıları səsləndirilib. Gəncə Dövlət Filarmoniyasının solisti Gülay Zeynalova, Respublikanın əməkdar artistləri Babək Niftəliyev, Teyyar Bayramov, Gülündan Əliyeva, Xalq artistləri Gülyanaq Məmmədova, Mənsur İbrahimov, Şahnaz Haşımova, Nəzakət Teymurovanın ifasında xalq mahnıları, təsniflər və muğamlar səsləndirilib.

Gəncə şəhər İcra Hakimiyyətinin başçısı Elmar Vəliyev konsert iştirakçılarını salamlayaraq Gəncə Dövlət Filarmoniyasında keçirilən 80 illik yubiley münasibəti ilə Xalq Artisti Arif Babayevi təbrik edib. Ölkədə və onun hüdudlarından kənarda muğamın tanıdılmasında, inkişafında əvəzolunmaz roluna görə Xalq Artistinə təşəkkürünü bildirən şəhər rəhbəri bu yolda Ona uğurlar arzu edərək "Fəxri Fərman" və hədiyyə təqdim edib. Xalq Artisti Arif Babayev konsert iştirakçılarını salamlayaraq mədəniyyət işçilərinə göstərilən diqqət və qayğıya görə Prezident İlham Əliyevə təşəkkürünü bildirib. İsti münasibət üçün gəncəlilərə minnətdarlıq edən Arif Babayev yaxın zamanlarda Nizami yurdunda konsert proqramı ilə çıxış edəcəyini qeyd edib. Qeyd edək ki, Xanəndə, 1988-ci ildə xalq artisti, 1996-cı ildə professor, 1998-ci ildə “Şöhrət” və 2008-ci ildə “İstiqlal” ordenlərinə layiq görülüb. Arif Babayev XX əsrin ikinci yarısında Qarabağ xanəndəlik məktəbinin görkəmli nümayəndələrindən biridir.

Vüqar Nəbiyev, Gəncə

Oxundu 682