"İstək" liseyinin pedaqoji kollektivindən Şahin Seyidzadəyə qarşı SƏRT İTTİHAMLAR

Merkel Azərbaycana gələcək

Azərbaycan Ordusu şəhid verib

şənbə, 21 iyul 2018
RU EN TR
EN TR RU

İQTİSADİYYAT

Gürcüstana 1,7 milyon azərbaycanlı səfər edib - ÖLKƏLƏRİN SİYAHISI

06.01.2018 16:48

Ötən il Gürcüstana səfər edən turistlərin sayı 2016-cı illə müqayisədə 18,8% artaraq 7 milyon 554 min 936 nəfərə çatıb. Yeniavaz.com Gürcüstanın Milli Turizm Adminstrasiyasının açıqladığı məlumatlara istinadən bildirir ki, 2017-ci ildə Gürcüstana ən çox turist Ermənistandan səfər edib. Ermənistandan Gürcüstana gedən turistlərin sayı 1 milyon 718 min nəfər olub və bu 2016-cı illə müqayisədə 14,8% çox olub. İkinci sırada Azərbaycandan gedən turistlər yer alıb - 1 milyon 695 min nəfər. Azərbaycandan gedən turistlərin sayı isə son bir ildə 11,2% artıb. Bundan başqa Gürcüstana Rusiyadan 1 milyon 392,6 min (34,1% artım), Türkiyədən 1 milyon 246,7 min (0,8% azalma) və İrandan 323 min (118.3% artım) turist səfər edib.

Avropa ölkələrindən Gürcüstana səfər edən turistlərin də sayında artım olub. Belə ki, 2016-cı illə müqayisədə ötən Gürcüstana səfər edən İngiltərə vətəndaşlarının sayı 39,9%, Hollandiya vətəndaşlarının sayı 31,1%, İspaniya vətəndaşlarının sayı 29,9%, Fransa vətəndaşlarının sayı 29,6%, Almaniya vətəndaşlarının sayı isə 25,7% artıb.

Ən çox artım isə ərəb ölkələrindən gələn turistlərin sayında qeydə alınıb. İordaniyadan Gürcüstana səfər edənlərin sayı 316,1%, Səudiyyə Ərəbistanından səfər edənlərin sayı 154,3%, Küveytdən səfər edənlərin sayı isə 164,6% artıb.

Oxundu 410