Ukrayna hökuməti hərəkətə keçdi: Saakaşvilinin mitinqinə hazırlıq gedir

Ukrayna Radasının binasının ətrafında mühafizə gücləndirilib. Ukrayna KİV-nin məlumatına görə, bu barədə deputat Mustafa Nayem məlumat verib. “Bütün küçə boyu tikanlı məftil çəkilib. Ancaq xüsusi ayrılmış yerlərdən Konstitusiya meydanına girmək mümkündür. Parlament binasının ətrafında isə Milli qvardiya və iki cərgə polis düzülüb”, - deyə Nayem bildirib.

Xatırladaq ki, bu gün Kiyevdə Gürcüstanın sabiq prezidenti və Odessa vilayətinin eks-qubernatoru Mixail Saakaşvilinin rəhbərliyi altında mitinq keçiriləcək. Mitinq zamanı M.Saakaşvili Ukrayna prezidenti Petro Poroşenkonun impiçmentinə nail olmağı planlaşdırır.Oxu.az