Yanvarın 16-də Türkiyənin Kayseri şəhərində 1-ci Komando Tuqay Komandanlığının hərbçilərinə qarşı törədilmiş terror aktı işi üzrə 4 əsgər saxlanılıb. “Yeniavaz.com”un Türkiyə mətbuatına istinadən verdiyi məlumata görə, terrorla mübarizə qrupu daha əvəl hərbidən təxris olunmuş hərbçilərinin də olduğu 3 minə yaxın əsgərlə bağlı araşdırma aparıb. Araşdırma çərçivəsində 4 əsgər saxlanılıb. Onların PKK terror təşkilatının təbliğatı ilə məşğul olduğu və Kayseridəki hərbçilərin gediş-gəliş qrafiki ilə bağlı məlumatları sızdıra biləcəkləri güman edilir. Həmin hadisə üzrə hazırda 23 nəfər saxlanılıb. Xatırladaq ki, intiharçı terrorçunun minalanmış avtomobildə özünü partlatması nəticəsində 14 əsgər şəhid olmuş, 55 nəfər yaralanmışdı.
Tətbiqimizi yükləyə bilərsiniz
