Niderlandda külək qatarları yerindən tərpədəcək

Niderlandda bütün qatarlar tamamilə küləyin gücü ilə hasil edilən elektrik təchizat sisteminə keçiblər. “Yeniavaz.com”un RT-yə istinadən verdiyi məlumata görə, bunu Niderlandın NS dəmiryolu konserninin mətbuat katibi Ton Bun deyib. Onun sözlərinə görə, bütün qatarlar yanvarın 1-dən külək enerjisi ilə işləməyə başlayıb. Külək elektrik stansiyasının 1 saatda hasil etdiyi enerji qatarın 200 kilometr məsafəni qət etməsi üçün kifayətdir. Niderland bununla da qatarları külək enerjisinə keçən ilk ölkə olub.